Landjugiprogramm
Oktober bis Dezember 2019

Spass, Abwächslig und cooli Erläbniss si garantiert! Mir fröie üs uf Di!

  

>>Wi geng, jedä Mittwuch am 8i Unihockey ir Turnhauä bim Schueuhus ds Utzigä<<

 

Wild Essen: Fritig, 11. Oktober 2019

Herbscht Zyt isch Wild Zyt! Mir gö zäme ids Restaurant Eintracht im Oberthal ga Wild ässe (wär das nid gärn het darf natürlech o öppis angers nä). Treffpunkt isch am 19:00 bim Clubrum. Amäude bis am 27. September bir Tina wüu si immer sehr schnäu usbuechet si.

 

OLMA: Sunntig, 13. Oktober 2019

D Region West geit mitemne Bus ad OLMA. Bi Intresse chame sich bir Sonja mäude.

 

Adventure Room: Mäntig, 21. Oktober 2019

Mir weis wieder mau wage und üs imne Ruum lah ihsperre und Rätsel löse dasmer ume frei chöme. Träffpunkt am 19.30 ds Boll u de fahre mir aui zäme mitem Bähndli uf Bärn. Ahmäude bis am Samschtig, 19. Oktober bir Sonja – d Platzzahl isch sehr begränzt.

 

Schwandfest: Fritig u. Samschtig, 25. u. 26. Oktober 2019

Di legendäri Chilbi wei mir nid verpasse! Am Fritig gömer zämä ga d Fäschtbänkler lose und treffe üs für das am 19:00 im Boll. Mir würde de o grad dert Znacht ässe.

 

Zirkus Knie: Mänti, 28. Oktober 2019

Dr Zirkus Knie fiiret das Jahr ds 100-jährige Jubiläum. Das Spektakel wei mir üs nid la entgah. Mir träffe üs am 18:40 im Boll. Amäude bis am 21. Oktober bir Leo, Platzzahl isch beschränkt.

 

Region Fondue: Fritig, 1. November 2019

Mir gö zu de Oenztaler ads Fondue vor Region West. Träffpunkt am 19:15 im Clubrum.

 

Volleyball-Turnier: Sunntig, 3. November 2019

Üsi Landjugi organisiert wieder ds Volleyball Turnier für d Landjugis vor Region West. Üse Titel vo letscht Jahr wei mir natürlech verteidige! Wär gärn würd cho spile söu sich bir Sonja mäude – ou Häufer si sehr gärn gseh. Am 23. und 30. Oktober tüe mir am 20:00 Uhr ir Turnhalle ds Utzige trainiere.

 

Hosätreger-Chiubi: Samschtig, 9. November 2019

Hosätreger si Pflicht am Fescht vor Landjugend Schallenberg. Mir träffe üs am 20:30 Uhr im Boll.

 

Ämme-Shrimp: Samschtig, 16. November 2019

Mir wei ds Burgdorf ga luege, wime o ir Schwiz nachhaltig cha Shrimps züchte. Aschliessend ad Füehrig gits de no e Degustation. Mir treffe üs am 13:00 bim Clubrum oder direkt dert uf die 13:30. Amäude bir Rahel bis am 13. November.

 

Oenztalparty: Samschtig, 16. November 2019

Bevor mir zu dä Oenztaler gö ga feschtä tüemer abem 20:00 im Clubrum vorglühe.

 

HIT: Samschtig u. Sunntig, 23. u. 24. November 2019

Ds Herbstinfotreffe vom SLJV fingt das Jahr bir Landjugend Niesen statt. Es git es Programm übere Samschtig und Sunntig verteilt. Am Samschtig Abe gits ar Novemberloch Chilbi es riisä Fescht. Eifach es super Wucheend . Amäude bir Sonja bis am 30. Oktober.

 

Santa Run: Fritig, 29. November 2019

Die chli angeri Vorbereitig uf Wiehnachte: Mir verchleide üs aus Chlöis u zieh dür d Stadt Bern. Am Streckerand giz Glüehwy u Raclette u üses Ziu isch d After-Party im Bierhübeli. Mir gö am 18:49 im Boll uf ds Zügli. Dr Platz isch beschränkt. Amäude bir Tina bis am 14. November.

 

HV: Samschtig, 30.November 2019

Die gnaue Infos fingsch uf dr bigleite Ihladig.

 

Openair Fondue: Samschtig, 30. November 2019

Am gliche Abe fingt ono ds Openair Fondue bir Landjugend Rüegsbach statt.

 

Steizytparty: Samschtig, 30. November 2019

Und wüu ds Jahr ds weni Wucheend het fingt ou ds Fescht vor Landjugend Heimiswil denn statt.

 

Vorschou:

 

  • Ski-Weekend: 24. - 26. Januar 2020
    Ir Ritzhütte St. Stephan, Amäude per sofort bir Sonja

  • Utzigen-Chilbi: 17. und 18. April 2020 Cool
    Dick id Agenda itrage, denn si mir uf aui agwise!

--> Föteli vo Aläss bitte unbedingt ar Tina schicke Lachend