Landjugiprogramm April bis Juni 2019

Spass, Abwächslig und cooli Erläbniss si garantiert! Mir fröie üs uf Di!

  

>>Wi geng, jedä Mittwuch am 8i Unihockey ir Turnhauä bim Schueuhus ds Utzigä<<

 

Blutspenden: Zischtig, 2. April 2019 

Ume mau öppis guets tue für d Allgemeinheit hei mir dänkt. Drum gö mir uf Walkringe ga Bluet spände. Aschliessend gits dert aube gratis öppis ds Esse und ds Trinke. Treffpunkt isch am 18:15 bim Clubrum oder 18:30 direkt ds Walkringe bim Schueuhuus.

 

Utzigen Chilbi: Fritig bis Sunntig, 12. bis 14. April 2019

Äs isch Zyt fürne witeri legendäri Chiubi! Für dass das klappet simer uf AUI Hälfer agwise. Gnaui Infos heit dir mit dr Chilbi Post scho übercho. Nid vergässe, am Sunnti isch ufruume agseit, o das mues haut nach somene Fescht sii. Das wird ganz sicher es richtig geils Wucheend … und bis denn tou Wärbig mache.

 

Ussufetä und Brätlen: Karfritig, 19. April 2019

Aui Räschtä vor Chilbi weimer de no grad ufbruuche. Mir träffe üs ab 17:00 Uhr bim Clubrum für zämä ds räschtleche Fleisch ds brätle und ds Trinke ufdsbruuche J. Mir wäre froh um es paari wo chönnte e Salat bringe oder e Züpfe bache. Bitte schnäu bir Leo mäude.

 

Ostermäntiger: Mäntig, 22. April 2019

Wie aui Jahr fingt bir Landjugend Oenztal ume dr Ostermäntiger statt. Ds isch immer ä sehr lustige Tag wome i 4er Teams (2 Manne und 2 Froue) verschideni Poste mues absolviere. Amäude bim HP müglechst glii. Gnaueri Infos folge.

 

BEA: Samschtig, 27. April 2019

Das Jahr gö mir im Saloon ga Znacht ässe und aschliessend de öppe no chli ga ds Feschtgländ unsicher mache. Mir träffe üs 18:45 im Boll oder direkt 19:30 im Saloon. Amäude bis am 24. April bir Rahel.

 

Trampolin Halle: Mäntig, 6. Mai 2019

Ds Belp gits ä Trampolinhalle womer unbedingt wei ga testä. Treffpunkt 19:00 im Boll. Amäude bis am 29. April bim Fäbu.

 

Spaghetti Essen: Samschtig, 18. Mai 2019

D Landjugend Heimiswil füehrt ume ds Spaghetti Esse düre und wüu das immer so e lustegi Sach isch wei mir dert das Jahr sicher o nid fähle. Treffpunkt am 19:00 im Clubrum.

 

Spartacus Run: Sunntig, 19. Mai 2019

Dä Hindernislouf fägt! Letscht Jahr het es Team knapp ds Podest verpasst… das wei mir i däm Jahr wieder guet mache und ändlech die GoPro’s gwinne. Amäude bis am 18. Mai bir Tina (am beste grad i 3er Teams). Gnaueri Infos folge.

 

Brätlen Region West: Fritig, 24. Mai 2019

Ds Brätle fingt das Jahr bir Landjugend Thal statt. Ds Fleisch bringt jedä säuber mit, füre Räschte isch gsorget. Amäude bis am 23. Mai bir Sonja. Witeri Infos folge.

 

Maibummel mal anders: Sunntig, 26. Mai 2019

Das Jahr gö mir mit Ross und Wage, dasmer chli weniger müesse loufe J. Mir träffe üs am 9:30 im Boll, mache när äs schöns Fährtli zum Apéro und vo dert us de no ds Fuess witers. Am Schluss gömer de öppe no ga es Dessert ässe. Amäude bis am 12. Mai bir Leo.

 

Klettersteig Gantrisch: Sunntig, 9. Juni 2019

Mir gö dr Chlättersteig im Gantrisch ga bezwinge und dr inner Souhung überwinde. Aus wos brucht isch Usduur, Trettsicherheit und am beschte ke Höheangst. Dä Alass fingt nur bi schönem Wetter statt. Treffpunkt 8:15 im Clubrum, Amäude bis am 26. Mai bir Leo.

 

Street Food Festival Bern: Fritig, 14. Juni 2019

Am Street Food Festival chame ganz viu verschidnigs Ässe us ungerschidleche Länder probiere. Mir träffe üs am 18:55 und wei när 19:04 uf ds Zügli.

 

Schlossfest Utzigen: Samschtig, 15. Juni 2019

Mir häufe o das Jahr wieder am Schlossfest vom Altersheim Utzige mit. Das isch so chli dr Deal dass sii derfür d Utzige Chilbi „toleriere“. Drum isches wichtig dass mir dert tatchräftig mithäufe. Mir si sehr froh, wenn sich es paar Freiwillegi würde mäude für dert e Schicht ds übernäh (Parkdienst 09:00-12:30 oder 12:30-16:00). Bitte bir Tina mäude.

 

Waldfest Roteboum: Samschtig, 22. Juni 2019

Mir träffe üs am 20:30 im Clubrum zum üs iistimme und gö de när a ds legendäre Fescht wo jedes Jahr es paar lustegi Gschichte entstöh.

 

Cordon Bleu Essen: Zischtig, 25. Juni 2019

Mau luege wases das Jahr für gueti Cordon Bleu git.

Träffpunkt am 19:30 im Heistrich. Amäude bis am 21. Juni bir Tina.

 

Trucker Festival: Fritig bis Sunntig, 28. bis 30. Juni 2019

Mä gseht sechLachend

 

 

 

Vorschou:

  • Ferienkinderlager 7. – 12. Juli 2019

  • Giron Savigny: 12. – 14. Juli 2019

  • Landjugend Ferien: 20. – 27. Juli 2019 in Kroatien Unbedingt amäude ds wird ä geniali Wuche! Meh Infos fingsch ufem Amäude-Zedu.

 
 

 --> Föteli vo Aläss bitte unbedingt ar Tina schicke.Lächelnd