Landjugiprogramm Juni bis September 2019

Spass, Abwächslig und cooli Erläbniss si garantiert! Mir fröie üs uf Di!

  

>>Wi geng, jedä Mittwuch am 8i Unihockey ir Turnhauä bim Schueuhus ds Utzigä<<

 

Seilziehen LJ Untere Emme: Fritig, 28. Juni 2019

Ou das Jahr macht die Ungeri Ämme es Plousch Seilzieh ufem Lobärg. Fürnes Team bruchts 6 kräftegi (oder ou weniger kräftegi) Landjügeler. Träffpunkt isch am 7ni im Clubrum. Amäude bis am 24. Juni bir Sonja.

 

Ferienkinderlager: Sunntig bis Fritig, 7. bis 12. Juli 2019

Vo üsere Landjugi si dr Brünu und dr Marc derbi. Sie fröie sich immer über Bsuech mit Dessert.

 

Giron Savigny: Fritig bis Sunntig, 12. bis 14. Juli 2019

Wenn öbber weiss wime duet festä, de sis die Wäutsche. Drum weimer das Jahr dr kantonal Giron wos nume au par Jahr git nid verpässe! E Truppe geit sicher scho am Friti und eini am Samsti und es paar evtl. scho am Donsti. Dasmr üs chli chöi organisiere gibsch eifach bis am Mänti 8. Juli dr Sonja Bscheid.

 

Tractorpulling Schwadernau: Donnstig bis Sunntig, 18. bis 21. Juli 2019

D Landjugi Seeland organisiert dört d Bar und Festwirtschaft.

 

Schnittersunntig: Fritig u. Samschtig, 19. u. 20. Juli 2019

Am gliche Wucheend fingt ds Kirchberg ume dr Schnittersunntig statt wo d Landjugi Untere Emme ä Bar het wos geng sehr gueti Drinks git.

 

Landjugiferien Kroatien: Samschtig bis Samschtig, 20. bis 27. Juli 2019

Die wo agmäudet si überchöme de no gnaueri Infos. Die wo sich nid agmäudet hei si säuber tschuld.

 

Hostettfest Borisried: Fritig u. Samschtig, 27. u 28. Juli 2019

Und wie jedes Jahr het d Landjugi Köniz-Längenberg ihres bekannte Hostettfest.

 

1. August Feier Schönbrunnen: Mittwuch, 31. Juli 2019

D Musiggsellschaft Utzigen het ds Schönbrunne ume e Festwirtschaft mit Bar wo si sech über Bsuech fröie.

 

Aare Böötle: Sunntig, 4. August 2019

Mir hoffe uf guets Wetter, so dass mir uf dr Aare ä gmüetleche Tag chöi verbringe und zwüsch inne öppe mau a Land tüe brätle. Amäude bis am 28. Juli bim Sven.

 

Theater LJ Heimiswil: Samschtig, 10. August 2019

Zäme weimer ga ds Theater mitem Titu "Geld und Geist" vode Heimiswiler luege. Wüus eifach mega fein isch, wei mir vorhär ouno grad dert ga Znacht ässe. Mir träffe üs am 7ni im Clubrum. Amäude bis am 28. Juli bir Sonja.

 

Bsuech bim HP Eugster:Sunntig, 11. August 2019

Mir wei dr HP uf dr Alp ga bsueche, wo är die Saison schaffet. Ä Teil vom Wäg würde mir de no ds Fuess zrügglege. Mir träffe üs am 09:00 im Boll. Amäude bis am 6. September bim Fäbu.

 

Brätlen:Donnstig, 22. August 2019

Mir möchte ds Rubige ar Aare ga Brätle und bädele. Für ds Ässe isch jede/jedi säuber verantwortlech. Ds Trinke wird vo üs organisiert. Treffpunkt isch am 19:00 im Boll. Amäude bis am 20. August bir Leo. Es Schlechtwetterprogramm würd de churzfristig düregääh wärde.

 

Bier-Parcour: Samschtig, 31. August 2019

Wieder mau chli Bier probiere isch ahgseit. Das Jahr wei mir d Wanderig vom Rössli Heistrich usprobiere. Amäude bis am 24. August bir Sonja. Gnaueri Infos folge no.

 

Sensonero: Fritig, 6. September 2019

Znacht ässe, ohni dasme öppis gseht und hoffe dr Nachbar het nid scho aues vom Täller gschnouset. Das wei mir im Rüttihubelbad ga mache. Treffpunkt isch am 18:15 im Clubrum oder 18:30 für die wo direkt gö. Amäude bis am 29. August bir Tina.

 

100 Jahre Jubiläum TV Vechigen: Samschtig, 7. September 2019

Dr Turnverein fiiret äs grosses Fest und das mir ou richtig öbbis zfiirä hei am Abe ir Bar, mache mir bi ihrne Jahrhundertspiiu mit. Dr Wettkampf startet am 12i im Boll und geit bis ca. am 5i. Es Team besteit us 4-6 Lüt. Amäude bis am 28. Juni bir Sonja.

 

Wanderung: Samschtig u. Sunntig, 14. u. 15. September 2019

Üsi Nina isch dä Summer ir Lötschenpasshütte im Ihsatz. Das isch dr perfekt Grund wieder mau ä grösseri Wanderig zmache. D Route isch für jedes Niveau geeignet. Die sehr Fitte chöi ds Kandersteg starte (7.5 h) und di angere starte vo Selde us (4 h) wo sich d Wäge chrütze. Am nächste Tag loufe mir über d Lauchernalp wieder abe und fahre mitem ÖV  zrugg. Witeri Infos folge. Ds Verschiebedatum bi schlächtem Wetter isch dr 28./29. September 2019. Amäude bis am 1. September (lieber gnue früeh) bir Sonja.

 

Foxtrail Region West: Sunntig, 22. September 2019

D Landjügeler des Jahres lade üs ufe Ballenberg zumne spannende Foxtrail ih. Das isch ä super Glägeheit wieder mau mit es paar Lüt vor Region West ids Gspräch ds cho und natürlech wei mir üsi Gwinnerserie versueche witer ds zieh. Abfahrt am 10ni im Boll bir Landi und Picknick nid vergässe. Amäudige bis am 10. September ad Sonja.

 

Schwingen: Mittwuch, 25. September 2019

Anstatt Unihockey versuche mer üs ume mau ire angere Sportart. Für das gö mir uf Schwarzeburg i Schwingchäuer. Treffpunkt isch am 19:00 im Boll. Amäude bis am 23. September bim Sven.

 

Vorschou:

 

  • Oktoberfest: 4. – 6. Oktober 2019

    Amäude direkt bi Hirsbrunner Carreisen

  • OLMA Tag der Landjugend: 13. Oktober 2019

  • Volley Turnier: 3. November 2019

  • HV: 30. November 2019

 

--> Föteli vo Aläss bitte unbedingt ar Tina schickeZwinkernd